На мултимедијалниот настан на Караванот на слободата во Куманово, кој се одржа на 2 септември, меѓу поетите кои настапија на големата сцена, свој перформанс имаше и Џабир Дерала. Во продолжение е видеото од неговиот експлозивен настап кој ја воодушеви кумановската публика. Continue reading →
Уметниците, кои учествуваа на петиот мултимедијален настан во Куманово, ја пренесоа својата позитивна енергија и слободарски дух во разговорите кои ги направивме пред и за време на концертот.
Со нив зборувавме за тоа што претставува слободата, колку уметниците во Македонија се општествено активни и одговорни, колку треба да жртвуваат за слободата и кои се нивните пораки за Караванот. Continue reading →
„Добро вечер Куманово! Кога ќе се соберат повеќе луѓе од различни, национални, религиозни, полови определби на едно место да уживаат во моментот и во музиката – е тоа е слобода!“ – извика Тони Зен, кралот на рапот, како што го најавија неговите колеги од Шутка Рома Рап, го започна својот енергичен настап, а она што се случуваше на плоштадот во Куманово беше само потврда на неговите зборови. Continue reading →
Уметничкото творештво низ песната на поетот, на пејачот и ликовната творба на сликарот примарно ја артикулира уметничката, а потоа општествената потреба за слобода. Цензурата во Македонија е евидентна, но одговорноста на уметниците и интелектуалците доаѓа до израз токму во вакви времиња. Continue reading →
На големата сцена на Градскиот плоштад во Куманово, вечерва во 20 часот ќе започне петиот мултимедијален хепенинг на Караванот на слободата, на кој ќе настапат Пеце „Суперхикс“, Тони Зен, „Бла Бла Бла…“ и „Шутка Рома Рап“. Покрај музиката на слободата на сцената ќе настапат и поетите Елена Пренџова, Бјондина Шерифи, Марија Јовановска, Арсим Јонузи и Митко Гогов. Continue reading →
На 2 септември во Куманово ќе се одржи четвртиот голем мултимедијален хепенинг на Караванот на слободата. На големата сцена на Градскиот плоштад, кумановчани ќе уживаат во звуците на „Музиката на слободата“ отсвирена од Пеце „Суперхикс“, „Бла Бла Бла…“, Тони Зен и „Шутка рома рап“.
Меѓу главните активности на овој настан е и дебатата на тема „Македонија: со или без слобода“, која ќе започне од 18:30 часот во просториите на „Комитетот“ во Куманово. Continue reading →
Тони Зен е еден од најуспешните и најпопуларните македонски рапери и продуценти. Повеќе од една деценија настапува како соло артист, а и како член на групата „Урбана димензија”. Музиката којашто ја изведува е честопати збогатена со општествено ангажирани текстови, кои зборуваат за проблемите со кои обичните луѓе, младите особено, се соочуваат во секојдневниот живот.
Тој е еден од ангажираните уметници кои му се придружија и го поддржаа Караванот на слободата, на кој ќе настапи во Куманово на 2 септември, во Штип на 16 септември и на еден од скопските концерти на 30 септември. По тој повод, со него зборуваме за уметноста и слободата. Continue reading →
Концертот на Караванот на слободата кој се одржа во Тетово на 26 август донесе одлични настапи на повеќе музички групи и атрактивни видео записи. Тие се достапни на YouTube каналот на ЦИВИЛ – Центар за слобода. Continue reading →
Во четврток, на 1 септември 2016, Караванот на слободата ќе допатува во Куманово, Липково, Кратово и Крива Паланка. Во 12 часот на плоштадот во Куманово, тимот на организаторот ЦИВИЛ ќе одржи прес-конференција, на која ќе ја презентира програмата на големиот мултимедијален настан во Куманово и на претстојните активности на Караванот во овој регион во текот на денот. Караванот потоа ќе продолжи кон соседните општини Липково, Старо Нагоричане, Ранковце, Кратово и Крива Паланка, каде активистите на ЦИВИЛ ќе разговараат со граѓаните и ќе ги презентираат целите и програмата на Караванот.
Подоцна во текот на денот и вечерта во Крива Паланка ќе се одржат музички и поетски настани, почнувајќи од 18 часот. Continue reading →
„Бла Бла Бла…“ се рок бенд од Скопје. Формирани во 1988 година, по речиси тридецениско опстојување на рок сцената, до сега имаат издадено повеќе албуми и забележано повеќе самостојни концерти, како и настапи на десетици големи фестивали во земјата и надвор од неа. Кај публиката во регионот уживаат статус на култен бенд, кој не кокетира со популарноста и не прави компромиси со својата уметност. Честопати со нивните настапи демонстрирале општествен ангажман. Последен пат тоа беше со нивниот самостоен концерт минатата година, на кој собираа средства за бегалците од Сирија, а учествувале и во многу граѓански иницијативи, проекти и концерти посветени на мирот и соживотот, како и на правата на лицата со посебни потреби. Continue reading →