Со мегафони и музика и со делење на информативни материјали, активистите на ЦИВИЛ -Центар за слобода ги информираа скопјани за спектакуларниот мултимедијален настан на Караванот на слободата што ќе се одржи во сабота, на 1-ви октомври во Скопје. Continue reading →
Караванот на слободата од денес започна со активностите за промоција на големиот мултимедијален настан кој ќе се одржи на 1-ви октомври во Скопје. ЦИВИЛ – Центар за слобода постави инфо-штанд на улица „Македонија“ каде неколку часа граѓан(к)ите на Скопје можеа да се информираат за програмата на настанот и за целите на Карванот. Continue reading →
Многу често, посебно во овие држави кои што произлегле од поранешниот социјализам, ние многу наопаку ги вртиме работите и велиме – дозволено ни е сè што е дадено во закон. Не, тоа не е така. Дозволено ни е сè, освен она за што сме се договориле дека не е дозволено. Забраната е предвидена во правилата, не – слободата. Слободни сме апсолутно, освен за оние работи за кои сме се договориле дека ќе претставуваат моја граница. Тоа е основниот проблем во Македонија – неразбирањето на тоа дека можеме да правиме многу работи, независно од тоа што тие работи не се нормирани, не се дадени во законите. И на централно и на локално ниво и во секојдневниот живот…“, рече професорката Најчевска на дебатата на „Караванот на слободата“ во Штип, „Македонија: со или без слобода“ Continue reading →
На платото пред спомен куќата на Мајка Тереза во Скопје, денес, во 14 часот, ЦИВИЛ ќе го најави големиот мултимедијален настан на Караванот на слободата кој ќе се одржи овој петок (1 октомври). На инфо-штандот покрај информативен материјал, ќе има фото-петиција и диџеј-сетови на CIVIL Art Crew. Continue reading →
„Мислам дека уметниците не се свесни за својата одговорност. И јас не сум бил, во одредени моменти, воопшто. Сум бил насочен кон тоа да го претставам идентитетот на артистот, што на сите очигледно ни е целта. Не да се претставиме вистински, јас сум овој извор, оваа љубов, оваа слобода сум јас… Не, цело време низ идентитети… Овие ќе ме видат, па морам ова да го кажам, вака да изгледам… И, автоматски, уметниците го прават тоа што го сака таа дисфункционалност на свеста да го види. Со исклучок на уметници и артисти кои будно творат, работат, пренесуваат пораки, но малкумина се“, рече музичарот Тони Зен на дебатата „Македонија: со или без слобода“, која како дел од мултимедијалниот настан на Караванот на слободата се одржа во Штип. Continue reading →
Позитивна енергија, жешка атмосфера и разиграни штипјани е епилогот од синоќешниот концерт во Штип. Студеното време не претставуваше пречка за многубројната публика, на плоштадот во Штип, да ужива во шестиот мултимедијален настан на Караванот на слободата. Одличните настапи на „Бла Бла Бла…“, „Стринг Форсис“ и Тони Зен ги разиграа штипјани и предизвикаа громогласни аплаузи. Continue reading →
„Слободата е апсолут кој има само две граници. Тоа се слободата на другиот и правилата кои ги создаваме на овој степен од цивилизацијата“, посочи Мирјана Најчевска, една од говорниците на дебатата „Македонија: со или без слобода“, која денеска како дел од Караванот на слободата се одржа во Штип. Continue reading →
Сите заинтересирани за бесплатен превоз од Кочани, Чешиново, Облешево и Карбинци за големиот мултимедијален настан во Штип на 23 септември (петок), можат да се пријават на 02/5209176 и 075/389-698.
Денес, со почеток во 12 часот, на плоштадот во Штип, ЦИВИЛ – Центар за слобода ќе одржи прес-конференција, на која ќе ги најави денешните посети низ источна Македонија, како и утрешниот голем мултимедијален настан во Штип. Continue reading →
Кристина Арнаудова е поп-пејачка и авторка, која е присутна на големите концертни и фестивалски сцени во земјава речиси две децении. Се опишува себе си како перфекционист, дисциплиниран работник и човек со принципи, од кои тешко отстапува. Таа е уметница, која е свесна за својата улога во општеството како јавна личност и токму од тие причини инсистира јавно да ги сподели своите ставови, особено нагласувајќи ги нештата со кои не се согласува.
По повод нејзиниот настап на Караванот на слободата на завршниот концерт во Скопје, на 1 октомври, со неа зборуваме за уметноста, слободата и влијанието на уметниците во општеството. Continue reading →